Úrslit úr fyrsta leik

Núna er fyrsta leik okkar lokið á mótinu og urðu lokatölur 1-11 hinu liðinu í vil. Þrátt fyrir óhagstæð úrslit vorum við alveg inni í leiknum fram á síðustu mínútu og vorum við síst lakari aðilinn, nema að við vorum ekki eins góðir og hinir. Einnig má nefna að öll mörkin sem við fengum á okkur komu á afar óheppilegum sálrænum augnablikum og átti það sinn þátt í því hvernig fór. Við komumst nokkuð oft yfir miðju og endaði það einu sinni með því að kúlan lá í netinu hjá HDM með glæsilegu skoti frá Pavol Cekan. Þá var staðan orðin 4-1 og má segja að leikurinn hafi verið í járnum alveg þangað til HDM skoraði tíunda markið. Við lögðum upp með það herbragð að verjast aftarlega og sjá svo til ef við kæmumst yfir miðju og má með sanni segja að þetta hafi gengið fullkomlega upp, fyrir utan það hvað við fengum mörg mörk á okkur.

Andstæðingarnir voru frekar harðir í horn að taka, t.d. er sá sem þetta ritar með kúlu á hausnum og skaddaða öxl eftir að tveir leikmenn hins liðsins krömdu hann á milli sín og nokkrir leikmenn fengu að fljúga út af vellinum. Úrslitin í dag voru kannski óhagstæð, en það þýðir þó ekki að gráta Björn bónda, heldur skal safna liði fyrir leikinn við franska liðið Paris UC á morgun. Við vitum frekar lítið um það lið fyrir utan það að aðeins tveir í liðinu eru franskir en það skiptir ekki máli því enginn af okkur talar frönsku.

-Hafsteinn

Athugasemdir

[Bynni (IP-tala skráð) 13.8.2008 kl. 21:26]

Thetta var heppnissigur hjá HDM og thetta var allt Stinna ad kenna!

[Oggi (IP-tala skráð) 14.8.2008 kl. 08:56]

Alltaf hægt að treysta því að Bynni reyni að finna sér blóraböggul.

En ég óska ykkar til hamingju með góðan árangur, því ef við tökum veiðimannahugtak á þetta má því segja að finnst þið skoruðuð eitt mark hafið þið sloppið við að koma heim með kúluna í rassinum.

Þið rústið bara þessum tveim froskaætum í næsta leik! Getið til dæmis sýnt þeim hvar Davíð kaupir ölið, því eflaust er gott að hafa bjór með froskalöppum og því gott fyrir þá að komast að því hvar ölið er keypt.

[Logi Helgu (IP-tala skráð) 14.8.2008 kl. 11:52]

Ég sé að frakkarnir lentu líka í sömu úrslitum gegn dönum, þannig að þetta verður vonandi stórleikur í dag ;)

[Oggi (IP-tala skráð) 14.8.2008 kl. 13:47]

Bara vera viss um að boðskapurinn hafi komist til skila: Gefið frökkunum áfengi fyrir leikinn! Held að í reglunum sé bannað að keppa undir áhrifum vímugjafa og því yrði ykkur dæmdur sigur.

[Fjölskyldan Biskupsgötu (IP-tala skráð) 14.8.2008 kl. 22:29]

Gangi ykkur vel í næstu leikjum.

Hafsteinn, ekki eyða mútufénu frá þjálfara hollenska liðisins í vitleysu

Baráttukveðjur úr Biskupsgötunni 

[Haffi (IP-tala skráð) 15.8.2008 kl. 06:48]

Takk fyrir thad. Eg ætla ad leggja mutufed inn i banka, enda var thetta engin sma upphaed, eda 100 danskar kronur.

[Bynni (IP-tala skráð) 18.8.2008 kl. 20:55]

Haffi, þetta var skelfilegt hjá þér.... bara 100 danskar krónur, ég hefði beðið um 105 að minnsta kosti.