Þátttöku BK á mótinu lokið

Síðasta leik liðsins lyktaði með sigri danska liðsins Hafnia, 33-2. Þrátt fyrir að BK hafi stjórnað leiknum nánast allan tímann þá má segja að hinn margfrægi slæmi kafli hafi orðið liðinu að falli í þetta sinn. Slæmi kaflinn hófst þegar um ein og hálf mínúta var liðin af leiknum og entist nokkurn veginn allan leikinn. Má því segja að með því að útrýma hinum margumtalaða slæma kafla úr leik liðsins væri hægt að sigra lið á borð við Hafnia. Það má einnig benda á að Hafnia fékk aðeins fimm mörk samtals á sig í riðlinum og þar af skoraði BK 2 sem er vægast sagt góður árangur. Að auki er vert að minnast á það að tveir nýir markaskorarar komust á blað, þeir Gunnar og Bryngeir. Þá var einnig augljóst að salurinn var á bandi BK, en í stúkunni var hópur af Spánverjum sem hvöttu strákana okkar til dáða. Eftir þennan ósigur má kannski segja að Íslendingar geti loksins gleymt fótboltaleiknum sem endaði 14-2 fyrir Dönum.

Núna gefst leikmönnum smá tími til að hvíla sig og jafna sig á marblettunum eftir allar kúlurnar sem leikmenn fengu í sig á mótinu áður en haldið verður til Íslands annað kvöld þar sem fjölmiðlar munu að öllum líkindum taka á móti liðinu í Leifsstöð. Við viljum þakka öllum Íslendingum fyrir ómetanlegan stuðning á meðan á mótinu stóð, og við vonum að við tökum aftur þátt að ári í þessu skemmtilega móti.

Athugasemdir

[Heiða (IP-tala skráð) 16.8.2008 kl. 15:25]

Til hamingju með mörkin, Gunni og Bynni, og auðvitað þið allir. Enginn markalaus leikur á móti svona sterkum liðum er náttúrlega bara frábært. Þið eruð hetjur. Þið komið svo vonandi með allar bestu leikflétturnar frá hinum með ykkur á æfingar í haust :)

[Bynni (IP-tala skráð) 16.8.2008 kl. 15:34]

Thetta var hid minnsta sem madur gat gert fyrir islensku thjodina!

[Oggi (IP-tala skráð) 17.8.2008 kl. 18:28]

Ég vill bara benda lesendum á að þetta var næst besti leikurinn, hér skoraði BK 1 mark á móti hverjum 16,5 mörkum andstæðingsins, ólíkt því að í leiknum á móti froskalöppunum var það einungis 1 mark á móti 17 mörkum andstæðingsins. En samkvæmt niðurstöðum leiks dana og frakka þá teljum við að danir séu 11 sinnum betri en frakkarnir.  Því hefði marka talan átt að vera eitthvað á við 1 BK mark á hver 187 dönsk mörk. Þ.e. 1 BK mark á móti 17 * 11 mörkum danska liðsins, þar sem 11 er styrkleika leiðréttingastuðull.

Þegar við tökum tillit til þessa sjáum við bersýnilega hversu miklum framförum strákarnir náðu á milli leikjanna tveggja...

Mín lokaorð eru því: ÞVÍLÍKUR ÁRANGUR!! 

[Bynni (IP-tala skráð) 18.8.2008 kl. 12:09]

Þetta var lítill sigur fyrir mannkynið en stórt tap fyrir BK.

[Soffía (IP-tala skráð) 18.8.2008 kl. 21:57]

Mér finnst algjör snilld að þið fóruð :) úrslit á fyrsta móti eru alltaf aukaatriði ;)

[Bbynni (IP-tala skráð) 19.8.2008 kl. 17:52]

Já, ég held að við verðum að skoða málið frá þeim sjónarhóli... það er ekki eins og við höfum einhvern mælikvarða til að miða við fyrr en eftir annað svona mót.

[Gunni (IP-tala skráð) 20.8.2008 kl. 08:57]

Já næsta takmark á svona móti er að skora fleiri en 4 mörk og fá færri en 61 á móti okkur, haha :)

[Bynni (IP-tala skráð) 21.8.2008 kl. 12:47]

Já! Nákvæmlega maður, það er amk takmark sem við gætum kannski ráðið við! ;)