Fréttir af mótsundirbúningi

Núna er orðið ansi stutt í fyrsta leik hjá okkur, spennan er að magnast. Fyrsti leikurinn er á miðvikudaginn kemur, þá spilum við við hollenska liðið HDM. Við erum búnir að æfa fullt af góðum leikkerfum, t.d. stormsókn™, pýramídasókn™ og allir-leikmenn-í-markinu-vörn™. Við vonum að þessi leikkerfi komi andstæðingunum á óvart og riðli leik þeirra. Við munum svo reyna að nýta okkur ringulreiðina til að skora nokkur mörk. Auk þess er einn meðlimur BK kvart-Hollendingur og hann gæti þekkt nokkra veikleika hjá HDM.

Á fimmtudaginn keppum við svo við franska liðið Paris UC. Við vitum mjög lítið um það lið nema að þeir eru sólgnir í froskalappir og snigla og klæðast alpahúfum við öll tilefni. Við erum ekki vissir um að við getum nýtt okkur þetta mikið í leiknum en það er aldrei að vita.

Á föstudaginn er svo leikur við danska liðið Hafnia. Fólk hefur stoppað okkur úti á götu og beðið okkur um að sýna Dönunum í tvo heimana  og hefna loksins fyrir allt sem þeir hafa gert okkur, og þá sérstaklega einokunarverslunina; þ.e. þegar þeir seldu okkur mölétið korn. Við munum svo sannarlega gera okkar besta en ef það gengur ekki upp þá höfum við hugsað okkur að launa þeim lambið gráa með því að taka með okkur mölétið korn og reyna að selja það á einhverri verslunargötunni. Ef það gengur eftir þá teljum við fullhefnt fyrir þennan fantaskap.

Að lokum viljum við biðja alla Íslendinga um að senda okkur góðar hugsanir og styðja nú vel við bakið á strákunum okkar! (þ.e. BK)

Athugasemdir

[Bynni (IP-tala skráð) 10.8.2008 kl. 15:24]

Þess má geta að ég hefi lofað því að ef við vinnum leik á mótinu þá megi strákarnir splæsa á mig aflitun og bleiku hári á hárgreiðslustofu.

... að auki lofaði ég því að ef við vinnum Danina á föstudaginn þá fari ég í vax og láti fjarlægja hin 'örfáu' hár sem ég hef á leggjunum.

[Sunna (IP-tala skráð) 10.8.2008 kl. 16:29]

Gangi ykkur vel strákar! Ég hef fulla trú á ykkur!!!! Svo væri ég líka mjög til í að fá að sjá Bynna með aflitað og bleikt hár, helst köflótt:D

[Bynni (IP-tala skráð) 10.8.2008 kl. 16:51]

Hehe, takk fyrir það... en aflitað og bleikt er ekki nógu stílhreint ólíkt fagurbleikum makka ;)

[Kristinn (IP-tala skráð) 10.8.2008 kl. 20:07]

Flott færsla. Lýst mjög vel á þessi leikkerfi :D Þið getið bókað að ég sendi ykkur góðar hugsanir. Ég hlakka til að koma með ykkur út á Evrópumót félagsliða :P þegar þið eruð búnir að rústa þessum liðum.

Kveðja

Bandý-Rambó

[Sebbi (IP-tala skráð) 11.8.2008 kl. 21:21]

Spenntir? Ég hlakka mjög mikið til að spila með ykkur! Sjáumst á miðvikudaginn!!!

[Heiða (IP-tala skráð) 12.8.2008 kl. 22:39]

Jæja strákar, nú verðið þið að standa ykkur :)  Munið eftir "strákunum okkar" í dag, þeir sigruðu heimsmeistarana, þið getið alveg sigrað einhverja þarna úti!  Verið duglegir að blogga skemmtilega eftir leikina og um það sem gerist þarna úti!

[Hlynur (IP-tala skráð) 13.8.2008 kl. 10:25]

Iss Bynni, "megi strákarnir splæsa á mig aflitun og bleiku hári".

Hverju tapar þú á því? Þú verður að borga fyrir þetta sjálfur annars er þetta bara frat. Svo er ekki nóg að lita bara bleikt, þú verður að toppa mig. Bleikt og skærgrænt hugsanlega? Eða bleikur hanakambur?

[Oggi (IP-tala skráð) 13.8.2008 kl. 10:39]

Nú er nálægt 22 tímum síðan þið lentuð þarna úti, á ekki að fara blogga eitthvað??

Er hvorugur bankastrákanna með 3G síma? Er hvorugur tölvukallanna með 3G síma?  Er hvorugur úthverfastrákanna með 3G síma? Hvert stefnir heimurinn eiginlega??

Svo getið þið hinir líka bloggað, þið meigið ekki bara að treysta á banka-, tölvu- og úthverfastrákanna til að blogga!